Microsoft «ақлли» соати ўз эгасининг юрак уришини назорат қилади

Microsoft компанияси фон режимида фойдаланувчи юрак уришини доимий равишда кузатиб борадиган «ақлли» соат устида ишламоқда. У Windows Phone, iOS ва Android тизимларида ишловчи смартфонлар билан синхронлаштирила олади. Бу ҳақда Forbes хабар берди.

Қурилмага Xbox Kinect бўлинмасида ишлаб чиқиладиган сенсорлар ўрнатилади. Соат эрта-ю кеч фойдаланувчининг пульсини ўлчайди, бироқ аккумулятор икки кунга етади.

Соатнинг яна бир ўзига хос жиҳати шундан иборат бўладики, у нафақат Windows Phone, балки бошқа рақобатдош операцион тизимлар — iOS ва Android’да ишлайдиган қурилмалар билан ҳам интеграциялаша олади.

Қурилманинг қачон чиқарилиши номаълум, бироқ у шу йилнинг ёзидаёқ тақдим этилиши мумкин.