13 май, сешанба куни Украина армияси қуролланган россияпараст айирмачиларни босишга қаратилган операциялар бошидан буён энг катта йўқотишларни бошдан кечирди. Мудофаа вазирлигининг хабар беришича, шарқда пистирмага тушган етти нафар десантчилар ҳалок бўлган. Яна етти ҳарбий яраланган.
Шу тариқа, «аксилтеррор операция» бошидан бери қурбон бўлган украин ҳарбийлари сони камида 16 тага етган, дея хабар берди Reuters.
Тўқнашув Донецк вилоятида жангарилар томонидан эгалланган Краматорскдан 20 километр масофадаги Славянск туманининг Октябрь қишлоғида содир бўлган.
Украина Қуролли кучлари ҳарбий қисмларидан бирининг колоннаси пистирмадан айёрона отиб ташланди, дейилади мудофаа вазирлиги хабарида.
Жангарилар томонидан бўлган йўқотишлар ҳақида аниқ маълумот келиб тушмаган.
Изоҳ (0)