Ўзбекистон Кубоги нимчорак финалида «Қўқон-1912» ва «Пахтакор» клублари ўртасида кечган учрашув қўқонлик мухлисларнинг катта қизиқишига сабаб бўлди, деб ёзади Uff.uz.
ПФЛ расмий сайти томонидан хабар қилинишича, «Қўқон-1912»—«Пахтакор» учрашувини 10 524 мухлис стадионда томоша қилган. Симёғочда томоша қилганлар ҳақида эса ҳеч қандай маълумот йўқ. Шу билан бирга суратлардан кўриниб турибдики, яна кўплаб мухлислар стадионга сиғмай, кўчада қолиб кетган.
Эслатиб ўтамиз, ушбу учрашув 0:0 ҳисобида якунланган бўлиб, тўқнашув тақдири Тошкентдаги «Пахтакор» стадионида ўтказиладиган жавоб ўйинида ҳал бўлади. Шу ўринда таъкидлаб ўтиш лозим, «Пахтакор» стадионига 35 минг мухлис сиғади ва жавоб учрашувини томоша қилишда бу каби муаммо юзага келиши кутилмаяпти, дейилади Uff.uz хабарида.
Изоҳ (0)