Samsung Super AMOLED дисплейли иккита — 8,4 ва 10,5 дюймли Galaxy Таb S планшетларини чиқаришни режалаштирмоқда. Тармоқда уларнинг каттасига тегишли илк суратлар пайдо бўлди. Бу ҳақда mail.ru хабар берди.
Қурилманинг Galaxy S5 каби «тешик-тешик»пластикдан иборат дизайни ҳақида аввал пайдо бўлган хабарлар ўз тасдиғини топди. Шунингдек, ҳар иккала қурилма планшетлар ичида биринчи бўлиб бармоқ изи сканери билан жиҳозланди.
Samsung Galaxy Таb S вариациялари 3 Гб тезкор хотира, 2,1 мегапикселли олд ва 8 мегапикселли асосий камерага эга. Улар Android 4.4 KitKat операцион тизимида ишлайди.
Super AMOLED планшетлари билан бирга, Samsung яна бир янги қурилмаси — LCD-дисплейли 13,3 дюймли планшетни ҳам тақдим этиши тахмин қилинмоқда.
Изоҳ (0)