Фахрийларни ижтимоий қўллаб-қувватлаш «Нуроний» жамғармаси ҳамда Beeline алоқа оператори Хотира ва қадрлаш куни арафасида Иккинчи жаҳон уруши иштирокчилари ҳамда меҳнат фронти фахрийларини табриклади. Бу ҳақда Beeline матбуот хизмати хабар берди.
«Фахрийларни қутлаш халқимизни бирлаштирадиган энг яхши анъаналардан биридир, — дейди «Нуроний» жамғармаси марказий кенгашининг раиси Эркин Бакибаев. — Барча уруш қатнашчилари, меҳнат фронти фахрийлари ва фондимиз номидан ушбу олийжаноб ишда иштирок этган барча ташкилотларга миннатдорчилик билдираман».
2 майдан 7 майгача пойтахт ва Тошкент вилоятининг барча фахрийлари 9 майга аталган совға тўпламлари ва табрикларни олди.
«Ўзбекистоннинг ушбу Ғалабага қўшган ҳиссаси бебаҳо, бизнинг озодлигимизни ҳимоя қилганлар олдида бир умрга қарздормиз, – дейди Beeline компаниясининг бош директори Александр Воробёв. – Ҳам республика раҳбарияти, ҳам жамият томонидан фахрийларимиз ҳурматда бўлиши жуда қувонарли ҳолатдир. Таъкидлаш жоиз, Beeline абонентлари ҳам уруш фахрийларига ўз табрикларини юбормоқда».
Эслатиб ўтамиз, 25 апрелдан 10 майгача Beeline Ўзбекистоннинг 20 та шаҳрида «Полкдошга қўнғироқ» акциясини ўтказмоқда. Акция доирасида компаниянинг 28 та шахсий офисида уяли сўзлашув пунктлари очилган. У ердан уруш ва меҳнат фронти фахрийлари дунёнинг исталган нуқтасига бепул қўнғироқларни амалга ошириши мумкин.