Канада Қора денгизга соқчи кемасини жўнатади

Канада бош вазири Стивен Харпер HMCS Regina соқчи кемаси Араб денгизидаги ўрнини тарк этиб, НАТОнинг Украинадаги миссиясига қўшилишини маълум қилди, дея хабар берди «РИА Новости».

«Канада НАТО раҳбарияти ва иттифоқдошлари билан HMCS Regina’дан қай тарзда фойдаланиш масаласини аниқлаштирмоқда», — деди Харпер. У кеманинг қачон Араб денгизидан чиқиб, НАТО флотига қўшилиши ҳозирча номаълумлигини қўшимча қилди.

HMCS Regina 2001 йил Нью-Йорк ва Вашингтондаги терактлардан кейин Араб денгизи, Аден кўрфази ва Ҳинд океанига жойлаштирилган Канада аксилтеррорчилик флотилияси таркибига киради.