Америкаликлар сиёсий Олимп тепасида бир хил исм-шарифларни кўришдан безор бўлди. Бу Wall Street Journal газетаси ба NBC телекомпанияси томонидан ўтказилган сўровда маълум бўлди. Унда америкаликлар янги президентнинг Клинтонлар ёки Бушлар авлодидан бўлишини истамасликларини билдирди. Бу ҳақда «ИTАР-ТАСС» маълум қилди.
АҚШ собиқ президентларининг хотини ва онаси Барбара Буш яқинда ўғли Жебнинг 2016 йилги президент сайловларида иштирок этиш эҳтимоли ҳақидаги саволга жавоб бераркан, «Америка — буюк давлат, юқори лавозимлар учун курашда иштирок этиш учун икки-учта оиладан бошқасини топа олмаслигимиз аҳмоқгарчиликдир», — деди. Яна бир интервьюда эса очиқдан–очиқ «Бушлардан безор бўлдик!» — дея таъкидлаган эди.
Сўровнома ташкилотчилари иштирокчилардан унинг айнан шу сўзларига муносабат билдиришини сўради, бунда контекстга Клинтонлар оиласи ҳам киритилди. Сўралганларнинг 69 фоизи Барбара Буш гапларига қўшилган бўлса, 25 фоизи қарши чиқди.
Бундан ташқари, сўров иштирокчиларининг 48 фоизи Хиллари Клинтон ҳақида ижобий фикрда, 32 фоизи аксинча. Машҳурликда ундан анча орқада бўлиб чиққан Жеб Бушга эса 32 фоиз иштирокчилар салбий фикр билдирган, 21 фоизи қўллаб-қувватлаган.
Изоҳ (0)