Apple компаниясининг iWatch номи билан машҳур ақлли соатини ишлаб чиқариш бошланди. Бу ҳақда Тайваннинг China Times нашрига таяниб, Look At Me хабар берди.
Apple’нинг Осиёдаги етказиб берувчилари нашрга узоқ кутилган гаджетнинг ишлаб чиқариш цикли бошланганини маълум қилган. Уларнинг таъкидлашича, iWatch соати процессор, флеш-хотира ва DRAM’дан иборат SIP модулига эга бўлади. Бундай модуллар одатда MP3-плеер ва смартфонларда қўлланилади. Техник хусусиятлари маълум қилинмаяпти.
iWatch 2014 йилнинг иккинчи ярмида чиқа бошлайди. Жорий йилнинг иккинчи чорагида 3 миллионта, учинчисида 14—15 миллионта қурилма ишлаб чиқариш кўзда тутилган.
Ҳозирча маълум бўлгани шуки, қурилманинг экрани квадрат шаклида, дизайни эса iPod nano’га ўхшаш бўлади. iWatch дисплейи янгича турда бўлиб, атроф қоронғилаша боргани сари унинг ранги ҳам шунга мослаша боради.
Изоҳ (0)