Умумий фойдаланишдаги автомобиль йўлларини ўз вақтида қуриш, реконструкция қилиш ва таъмирлаш мақсадида 2014 йил 21 апрелда Вазирлар Маҳкамаси «Умумий фойдаланишдаги автомобиль йўлларини қуриш, реконструкция қилиш ва таъмирлашни моддий-хомашё билан таъминлаш тўғрисида»ги Қарори билан 2014 йилда 159 минг тонна йўл битуми сотиб олиш белгиланди. Бу ҳақда norma.uz хабар берди.
2012 йилда «Aria Petroleum (UK) LTD» (Буюк Британия) компанияси билан тузилган битим доирасида қўлга киритилган йўл битумининг 92 минг тоннаси 2014 йилда, 67 тоннаси 2015 йилда ишлатилади. Битум учун тўлов Молия вазирлиги ҳузуридаги Республика Йўл фонди ҳисобидан миллий валютада амалга оширилади.
Йўл битумини керакли манзилга ўз вақтида етказиб бериш «Ўзбекистон темир йўллари» ДАТЙКга юклатилди.
Изоҳ (0)