LG Electronics илк ботиқ смартфонни намойиш этди
LG Electronics компанияси ботиқ корпус ва ўзи тикланувчи қопламага эга LG G Flex смартфонини тақдим этди. Ботиқ дисплей – бу ушбу смартфоннинг ягона ўзига хос жиҳати емас. Смартфонда янги, аввал серияли ишлаб чиқаришда қўлланилмаган технологиялар, яъни эгик батарея, янги турдаги экран ва ўзини-ўзи тикловчи қоплама мужассамлашган. Бу ҳақда компания матбуот хизмати хабар берди.
LG G Flex жаҳонда ушбу шаклдаги, горизонтал ўқи атрофида айланган биринчи смартфон бўлди. Бундай шакл смартфон орқали гаплашганда оғиз билан микрофон оралиғидаги масофани қисқартиради, бу билан янада сифатлироқ товуш етказилишини таъминлайди ва шунга мос равишда товуш даражасини тахминан уч децибелга оширади.
POLED (Plastic OLED) технологияси бўйича ишланган ноанъанавий олти дюймли дисплей оддий моделларга нисбатан бир неча хусусиятга эга.
Айнан ботиқ экран Mover ёки Mytube сайтларидан видео кўришда кенг экранли кинотеатрлардаги каби кенг кўламли манзара ҳосил қилади.
Дисплейда рангларни янада сифатли акс эттириш учун тасвирнинг ўта ёрқинлиги, аниқлиги ва ҳақиқийлиги билан ажралиб турадиган Реал РГБ технологияси қўлланган.
Бутун корпус эгик шаклда бўлгани учун аккумуляторнинг ҳам ноанъанавийсини ишлаб чиқишга тўғри келди. У LG Chem Stack & Folding технологияси бўйича тайёрланган. LG G Flex’га 3500 миллиампер/соатлик батарея ўрнатилган.
Махсус модификациялаштирилган резинадан тайёрланган эгилувчан қоплама кичик қирилишлар ва майда шикастланишлардан қайта тикланиш хусусиятига эга. Орқа панелига етказилган шикастлар даражасига кўра қопламанинг қайта тикланиши учун 50—90 сония вақт талаб этилади. Шундан сўнг смартфон аввалгидек янги бўлади.
LG G Flex’нинг асосини кучли тўрт ядроли 2,26 ГГц частотали Qualcomm Snapdragon 800 процессори ташкил этади. Процессорга графикани ишлаб чиқишда энг замонавий Адрено 330 видеотезлатгичи ёрдам беради. Қурилманинг оператив хотираси 2 ГБ бўлиб, фойдаланувчининг ўз файлларини юклаши учун ажратилган жой 32 гигабайтни ташкил этади. Смартфон LG’нинг фирма ишланмаси ҳисобланган «launcher» қўшилган OS Android 4.2 дастурида ишлайди.
Тақдим этилаётган функциялар орасидан Knock On технологиясини алоҳида ажратиб кўрсатиш мумкин. У смартфон эгасига экранни икки маротаба «тақиллатиш» орқали смартфонни ёқиш ва ўчириш имконини беради. Guest Mode (Меҳмон режими) эса иккинчи қайд ёзувларидан фойдаланиш ҳолларида смартфон эгасига оид маълумотларнинг махфий қолишини ҳимоялайди, шахсий маълумотларга кириш ёпиб қўйилади.
Dual Window экранни икки иш столига ажратади, бу билан бирваракайига бир нечта иловаларда ишлаш имконияти яратилади. Шунингдек, фойдаланувчилар визуал эффектлар ва табиат оҳанглари жўрлигидаги манзарали фон (безакли кўриниш) функцияларини ишлатиши мумкин.
Медиазал медиафайлларга тез киришни таъминлаб беради, фақат горизонтал ҳолатдаги аппарат экранига иккита бармоқ билан тақиллацангиз бас.
13-мегапикселли модул билан таъминланган камера орқали сониясига 60 кадр частотали FullHD 1080п сифатли видеоларни суратга олиш мумкин. Кўп нуқтали автофокус ҳам мавжуд. Audio Zoom функцияси видеога олаётган пайтда турли объектлардан келаётган товуш баландлигини кучайтиришга имкон беради.
Реклама асосида. Матн: LG
Шунингдек, LG ҳақидаги янгиликларни компаниянинг Facebook, «Odnoklassniki» ижтимоий тармоқлари ҳамда YouTube, Mover ва МйТубе сайтларидаги саҳифаларидан билишингиз мумкин.
