Авиаташув хизматларини амалга оширишни тартибга солиниши муносабати билан Вазирлар Маҳкамасининг 2014 йил 20 мартдаги 67-сонли қарорига мувофиқ Ўзбекистон Республикаси қонунчилигига ўзгартишлар киритилди. Бу ҳақда Давлат солиқ қўмитаси хабар берди.
Киритилган ўзгартишларга асосан хорижий авиаташувчи агентларининг чет эл валютасида олинган комиссия мукофоти 50 фоизи ваколатли банкка сотилиши белгилаб қўйилди.
Шунингдек, Ҳаво қатнови бош агентлиги Давлат унитар корхонасининг агентлари авиаташувлар реализацияси юзасидан чет эл валютасидаги комиссия мукофотининг 50 фоизи хизмат кўрсатувчи ваколатли банкка мажбурий сотилади.
Таъкидлаш жоиз, аввал чет эл валютасида олинган комиссия мукофоти Ҳаво қатнови бош агентлигининг агентлари томонидан Ўзбекистон Республикаси Марказий банкига тўлиқ ҳажмда сотилар эди.
Изоҳ (0)