ФИФА мутасаддиси ЖЧ мезбонини аниқлашда 2 млн фунт стерлинг пора олгани маълум бўлди
ФИФА мутасаддиси Рикардо Тейшейра 2018 ва 2022 йилги жаҳон чемпионати мезбонларини аниқлаш учун овоз бериш жараёнида пора олгани маълум бўлди. Англия матбуоти томонидан хабар қилинишича, мутасадди бу ишни 10 ёшли қизи орқали амалга оширган, деб ёзади «Чемпионат» нашри.
Uff.uz’нинг маълум қилишича, Тейшейранинг 10 ёшли қизи ҳисоб рақамига 2011 йилда 2 миллион фунт стерлинг миқдорида маблағ ўтказиб берилган. Мутасадди 2012 йилда ФИФАдан ишдан бўшаган ва Бразилиядан Майамига кўчиб ўтган. Чунки Бразилия полицияси бу воқеа юзасидан суриштирув ишларини бошлаган эди.
Тахмин қилинишича, Тейшейра қизининг ҳисоб рақамига пулни мутасаддининг эски таниши Сандро Росел ўтказиб берган. Сандро Росел илгари Нике компаниясининг Бразилиядаги бўлими раҳбари ва «Барселона» клуби президенти сифатида фаолият юритган эди.
