Қарши шаҳрида теннис бўйича ўтказилаётган «Фючерс» туркумига кирувчи Karshi F1 халқаро турнирида чорак финалчилар номи маълум бўлди. Бу ҳақда Ўзбекистон Миллий Олимпия қўмитаси матбуот хизмати хабар берди.
Ушбу босқичга етиб келган саккиз нафар теннисчидан уч нафари ўзбекистонликдир. Чорак финал йўлланмаси учун кечган баҳсда ҳамюртларимиздан Шониғмат Шофайзиев ирландиялик Сем Баррини 2:6, 6:3, 6:4 ҳисобида, Сарвар Икромов эса Михаил Есиповни 6:1, 6:1 ҳисобида мағлубиятга учратди. Яна бир ўзбек спортчиси Темур Исмоилов россиялик Михаил Вакс устидан 6:4, 6:0 ҳисобида зафар қучди.
Қуйида чорак финал жуфтликлари берилган:
Роман Сафиуллин (Россия) — Артур Дубински (Белорус)Шониғмат Шофайзиев (Ўзбекистон) — Сарвар Икромов (Ўзбекистон)Темур Исмоилов (Ўзбекистон) — Денис Мацукетивич (Россия)Маркос Каловелонис (Греция) — Пиотир Гадомски (Польша)
Изоҳ (0)