Россия Федерацияси Президенти Владимир Путин ўзининг маошини 2,65 мартага оширди. Бу 14 апрель, душанба куни Кремлнинг расмий сайтида эълон қилинган президент фармонида қайд этилган. Шунингдек, Россия Федерацияси бош вазири Дмитрий Медведевнинг ҳам иш ҳақи худди шундай коэффициент билан оширилади.
«Ведомости» газетасининг ҳисобига кўра, Медведевнинг ойлик даромади 215 минг рубл (тахминан 6000 АҚШ доллари)дан зиёдроқ, президент Путиннинг даромади эса бир ойда деярли 280 минг рубл (тахминан 7800 АҚШ доллари)ни ташкил этади.
11 апрель, жума куни давлат раҳбари ва ҳукумат аъзолари ўзларининг даромадлари ҳақида эълон қилган эди. Путин ва Медведевнинг даромадлари 2012 йилга нисбатан камайган: президент 3,6 миллион рубл ишлаган (100 000 АҚШ доллари), бош вазир эса — 4,2 миллион рубл (116 000 АҚШ доллари).
Изоҳ (0)