Футбол бўйича Россия терма жамоасидан 2014-йилги жаҳон чемпионатида иштирок этиш ҳуқуқини олиб қўйиш бўйича ФИФАда ҳеч қандай режалар йўқ, деб хабар бермоқда Тҳе Wалл Стреет Жоурнал. Бу ҳақда ташкилот бош котиби Жером Валкенинг АҚШ сенаторларига йўллаган мактубида сўз боради, дея ёзади «Кун».
Аввалроқ, АҚШнинг Республикачилар партияси вакиллари — Марк Керк ва Ден Коуц Россия терма жамоасини Бразилиядаги ЖЧ—2014 баҳсларидан четлатиш ва ундан 2018-йилги жаҳон чемпионати мезбонлигини олиб қўйишни ФИФАга таклиф қилган эди.
Валкенинг сўзларига кўра, футбол бўйича мамлакат терма жамоалари ўз мамлакатлари раҳбарияти амалга ошираётган ҳаракатлар учун жавоб бера олмайди.
Ўз навбатида Ден Коуц бунга жавобан ФИФА «Украинадаги сиёсий инқироз ва Қрим аннексияси учун Россияни жазолашдан бош тортиб, ўз тарихидан юз ўгирмоқда», деб таъкидлаган.
Сенаторнинг эслатишича, футбол бўйича Югославия терма жамоаси «мамлакатнинг Болқон урушларидаги ҳуқуққа зид ҳаракатлари сабаб» 1992-йилги Европа чемпионати ва 1994-йилги жаҳон чемпионати баҳсларидан четлатилган эди.
Изоҳ (0)