15 май куни “Ювентус” финалда “Аталанта”ни мағлуб этиб, Италия кубогини қўлга киритди. “Олимпико” стадионида кечган учрашув 1:0 ҳисобида якунланди.
Шу тариқа Массимилиано Аллегри Италия кубоги тарихидаги энг кўп мукофот олган мураббийга айланди. “Ювентус” бош мураббийи турнирда бешинчи ғалабага эришди (2014—2015, 2015—2016, 2016—2017, 2017—2018, 2023—2024). У тўрттадан совринга эга Роберто Манчини ва Свен Ёран Эрикссонни ортда қолдирди.
Аллегри “Ювентус”ни 2021 йилнинг май ойидан бошқариб келмоқда. 56 ёшли мутахассиснинг клуб билан шартномаси 2025 йилнинг ёзига қадар мўлжалланган.
Унинг қўл остида 36 турдан сўнг “Ювентус” 67 очко билан тўртинчи ўринда бормоқда. Италия чемпионатида “Интер” муддатидан олдин чемпионликни қўлга киритди (92 очко).
Изоҳ (0)