Хитойдан Германияга учаётган самолёт йўловчилар жанжали туфайли Тошкентга қўнди. Бу ҳақда Uzbekistan Airports матбуот хизмати хабар берди.
![](/static/2023/12121/photo_2023-10-30_20-48-46.jpg)
Қайд этилишича, Германиянинг Lufthansa авиакомпаниясининг Шанхайдан Франкфуртга учаётган LH729 йўловчи рейси икки йўловчининг жанжали туфайли Тошкент халқаро аэропортидаги муқобил аэродромга келиб қўнган. Экипаж самолёт олдига ҳуқуқ-тартибот органлари ходимларини чақиришни сўраган.
Бортида 206 йўловчи бўлган Boeing 747-800 маҳаллий вақт билан 17:32 да фавқулодда қўнишни амалга оширган. Жанжал кўтарган йўловчилар рейсдан олиб ташланган. Ҳаво кемаси Тошкентдан белгиланган аэропортга соат 20:36 да учиб кетган.
Аввалроқ Panorama Airways’нинг 27 октябрь куни Тошкентдан Мадинага учган самолёти ортга қайтишга мажбур бўлгани, Москвадан Тошкентга учаётган самолётда йўловчи вафот этгани тўғрисида хабар берилганди.