Ижтимоий тармоқларда АҚШнинг Канзас штатида кузатилган момақалдироқ вақтида трассадаги видеорегистраторлардан бири томонидан тасвирга олинган видео тарқалди. Кадрларда қайрилиб олиш учун чорраҳа олдида тормоз босган қора Jeep Grand Cherokee’ни кўриш мумкин. Кутилмаганда йўлтанламасни икки сония ичида тўрт маротаба яшин урган, деб хабар беради Motor.
Кўнгилсиз ҳодиса вақтида Jeep Grand Cherokee ичида эр-хотин икки нафар фарзанди билан бўлган ва улар ўзларининг йўлтанламаси миллион волтли бир нечта яшинни ўзига тортиш марказига айланишини ўйламаган ҳам. Мазкур автомобиль кузови Farader панжаралари каби лойиҳалаштирилган бўлиб, яшин урганда у электр разрядни тўғри ерга узатади.
Шу каби конструкция шарофати билан йўлтанламас йўловчиларига ҳеч қандай шикаст етмаган. Бироқ иккинчи яшин урилганида Jeep Grand Cherokee тўхтаб қолган, стоп-сигналлар бир зумда ўчган. Улкан кучланиш автомобилнинг электроникасини ишдан чиқарган.
Аввалроқ Флоридада Ford F-150 пикапи ҳайдовчиси ва йўловчиси довул вақтида йўлда ҳаракатланиб кетаётганида автомобиль қаршисига кутилмаганда яшин уриб, асфальт бўлагини кўчириб юборгани тўғрисида хабар берилганди.