Барча нашрлар йилнинг энг яхши фильмлари рўйхатини эълон қилаётган бир вақтда Metacritic киносайти 2020 йилнинг энг ёмон лойиҳаларини тўпланган антирейтингни эълон қилди, деб хабар беради «Film.ru». Рейтингда биринчи ўринни америкаликларнинг машҳурликка бўлган қизиқишга пародия сифатида ишланган Reality Queen комедияси эгаллаган.
Шунингдек, топ-рўйхатдан «Зохан билан ҳазиллашманг!» фильми режиссёри Деннис Дуганнинг «Севди, тўй ва бошқа фалокатлар» мелодрамаси ҳам ўрин олган. Бундан ташқари, антирейтингга «Қарзларни чиқариш», «Доктор Дулиттлнинг ажойиб саёҳати», «Қафасдаги қушча. Заҳарланиш», «Орамиздаги абадийлик» каби қатор фильмлар киритилган.
Рўйхатни тузишда «қизил зона»да бўлган фильмлар инобатга олинган бўлиб, ҳар бир лойиҳага кинотанқидчилар томонидан камида тўртта рецензия берилгани ҳисобланган. Шундай қилиб, антирейтинг етакчиси Reality Queen 7 балл тўплаган холос.
Телешоулар орасида NBC’нинг «Dr. Seuss’ The Grinch Musical Live!» номли махсус сони энг ёмон дея топилган. Шунингдек, кўп сериялари лойиҳалар орасидан «Озчиликда», Hoops, «Хелстром» ва «Гооп лабораторияси» ўрин олган.