Баъзан тасодифий учрашув ва танишувлар инсон ҳаётини тубдан ўзгартириб юборади. Бугун миллионлаб мухлисларга эга Болливуд актёрлари ҳам қачондир бахтли тасодиф туфайли кино оламига қадам қўйган.
Шоҳрух Хон
Болливуд қироли Шоҳрух Хон аслида спортчи бўлишни истаган. Лекин театрга бўлган меҳри уни сериалларга етаклаган ва шундан кейин Болливуддаги дебют ролини ижро қилган.
Паринити Чопра
Приянка Чопра билан қариндош бўлган Паринити ҳам фильмда роль ижро қилиш ва диққат марказида бўлишни истамаган. У банкда фаолият юритишни хоҳлаган, аммо 2009 йилдаги инқироздан кейин орзулари чиппакка айланган. Шундан кейин Yash Raj Films компаниясида жамоатчилик билан алоқалар бўйича консултант сифатида фаолиятини бошлаган ва оқибатда учта фильм учун шартнома имзолаган.
Амир Хон
Амир Хон ҳам актёр бўлишни режалаштирмаган, фильм суратга олишни истаган. Аммо тақдир тақозоси билан «Ҳукм» мелодраммасидан кейин бир кечада юлдузга айланган.
Карина Капур
Карина Капур аслида адвокат бўлишни истаган, лекин оила аъзоларининг таъсири сабабми, ўзини кинода синаб кўришга қарор қилган. Турмуш ўртоғи Саиф Али Хон бўлса, отаси каби крикет билан шуғулланишни истаган. Лекин актриса онасининг гени кучлилик қилган чоғи, у ҳам актёрликка қадам қўйган.
Бипаша Басу
Бипаша ҳеч қачон актриса бўлишни истамаган. Модель сифатида фаолият бошлаган Басуга тўсатдан суратга тушиш таклифи келиб тушади ва шундан кейин ҳаммаси бошланади.
Фархан Ахтар
Фархан Ахтар ҳам аввалига режиссёр сифатида фаолият юритган ва тўсатдан актёрлик керераси бошланиб кетган.
Сонам Капур
Сонам Капур, режиссёр Санджай Лиланинг ёрдамчиси сифатида фаолият бошлаган ва актрисалик қилишни хаёлига ҳам келтирмаган. Санджайнинг илтимосига кўра суратга тушганидан кейин эса эртаси куни машҳур бўлиб уйғонган.
Рекҳа
Бир қатор маҳоратли роллари билан ҳинд киносаноатида ўз ўрнига эга бўлган Рекҳа, актрисалик қилиш ҳақида ўйлаб ҳам кўрмаганини таъкидлаган.
Боман Ирани
Боман Ирани аввалига Мумбайдаги Таж меҳмонхонасида хизмат кўрсатувчи бўлиб ишлаган. Кейин новвойлик ва фотография билан шуғулланган. Алал оқибат эса актёр бўлган.