Россиянинг нефть ишлаб чиқарувчи бошқа мамлакатлар билан биргаликда бир сутка давомида ишлаб чиқариладиган нефть ҳажмини 10 миллион баррелгача туширишга тайёр. Бу ҳақда РФ президенти Владимир Путин мамлакатдаги нефть заводлари раҳбарлари билан ўтказилган мажлисда маълум қилган, деб ёзмоқда «РБК».
«Албатта, барча ишлар ҳамкорлик доирасида амалга оширилади», – дея таъкидлаган Путин видеоконференсалоқа тарзида ўтган мажлисда.
Владимир Путин Россиянинг АҚШ ҳамда ОПЕК+ келишувига аъзо бошқа давлатлар билан ҳамкорлик қилишга тайёр эканлигини билдирган.
Путин нефть ишлаб чиқариш ҳажмини жаҳон бозорида бошланган инқироз шароитида қисқартириш лозимлигини таъкидлади. Унинг сўзларига кўра Россия нефтнинг нархи баланд бўлишини истамайди ва қора олтин нархи жуда паст бўлишига қарши курашади. Путиннинг фикрича баррел учун 42 АҚШ доллари Россия нефтига берилган муносиб қиймат, сабаби бюджетдан шунга яқин маблағ нефть қазиб олишга сарф этилади.
«Нефть нархларининг инқирозига Саудия Арабистонидаги ҳамкорларимизнинг ОПЕК+ келишувидан чиққани, уларнинг нефть ишлаб чиқариш ҳажмини оширгани ва харидорлар учун чегирмалар эълон қилгани сабаб бўлди», — деган Путин.
Мавзуга доир: Путин ва Трамп телефон орқали коронавирус пандемияси ҳамда нефть нархларини муҳокама қилди
РФ давлат раҳбарининг айтишича, улар қайсидир маънода ушбу мақсадига эришмоқда. Путин Россиянинг ҳеч қачон бу каби мақсадларни ўз олдига қўймагани, барча ҳамкорларнинг манфаатларини ҳисобга олиши ва шундагина бозордаги инқироз бартараф қилинишини маълум қилди.
Россия энергетика вазири Александр Новак Саудия Арабистони, АҚШ ва ОПЕКга кирувчи ёки унга кирмаган катта нефть ишлаб чиқарувчи давлатларнинг келишуви ҳар томонлама манфаатли эканини тасдиқлади.
Аввал Bloomberg нашри Россия нефть компанияларининг Саудия Арабистони ва бошқа нефть ишлаб чиқарувчи мамлакатлар билан биргаликда жаҳон қора олтин бозоридаги вазиятни барқарорлаштириш ишларини амалга ошириши ҳақида хабар қилганди.