Туркия президенти Ражаб Тоййиб Эрдўғон 3 апрель куни мамлакат аҳолисига мурожаат йўллади ва коронавирус тарқалиши билан боғлиқ янги меъёрлар ҳақида гапирди. Бу ҳақда «ТАСС» хабар берган.
«4 апрелдан бошлаб 15 кун мобайнида мамлакатдаги 30 та шаҳар ва нафас йўллари касалликлари тарқалган Зонгулдак вилоятига автотранспортларнинг кириши ҳамда чиқиши тақиқланади. 20 ёшдан кичик бўлганлар учун комендантлик соати эълон қилинади. Фуқаролар одамлар тўпланадиган ерларда, супермаркетлар, бозорлар ва иш жойларида тиббий ниқобларни тақиб юришга мажбур», — дея таъкидлаган Туркия президенти ТRT телеканалидаги эфирда.
Шунингдек, Эрдўғон кўчада ва жамоат жойларида ижтимоий масофа сақлаш лозимлиги ҳақида ҳам эслатган. Энди Туркияда ҳам ушбу қоидаларга бўйсунмаганларга нисбатан кескин чоралар кўрилади.
Мавзуга доир: