Афғонистон жанубидаги Забул вилоятидаги учта назорат-ўтказиш пунктларига жангарилар гуруҳи ҳужумлар уюштирди. «РИА Новости» ахборотига кўра, ушбу ҳужумлар оқибатида саккиз полициячи ҳалок бўлган.
Вилоят губернаторининг расмий вакили Гулислом Сиёлнинг маълум қилишича, ҳужумлар кетма-кетлиги шанбага ўтар кечаси юз берган. Ҳужумлар оқибатида яна уч полициячи тан жароҳати олган.
Афғонистоннинг 1TV телеканали ахборотига кўра, ушбу ҳужумлар учун жавобгарликни радикал кайфиятдаги «Толибон» ҳаракати ўз зиммасига олган.