Американинг Флорида штатида Galaxy Note7 смартфонининг портлаб кетиши йўлтанламаснинг ёниб кетишига сабаб бўлди. Бу ҳақда Time журнали маълумотига таяниб, «РИА Новости» хабар бермоқда.
Ҳодиса эркак смартфонини автомобилида қувват олдириш учун қолдириб кетгандан сўнг юз берганлиги таъкидланмоқда.
«Дам олиш кунларимда барбекюни истамаган эдим», — деб ёзди автомобиль эгаси Нэйтен Дорнахар Facebook ижтимоий тармоғидаги саҳифасида. У, шунингдек, олов ичида қолган автомобили суратларини саҳифасига жойлаштирди.
Galaxy Note 7 смартфонларининг сотуви дунёнинг ўнта мамлакатида 19 август куни бошланган эди. ОАВлар Samsung батареяларнинг портлаб кетиш эҳтимоли туфайли Galaxy Note 7 нинг сотувини тўхтатиб туришини маълум қилди. Шундан сўнг компания барча Galaxy Note 7 смартфонларини янгисига бепул алмаштириб беришини маълум қилди.