Огайо штатида (АҚШ) сават кўринишида қурилган етти қаватли офис нархи 1,5 йил ичида 7,5 миллиондан 5 миллион долларгача камайди, бироқ шунда ҳам харидор топилмади. Бу ҳақда TJournal хабар бермоқда.
Бино кўриниши Longaberger саватларидан бири шаклини айнан такрорлайди (компания штаб-квартираси шу ерда жойлашган). Қурилиш 1997 йили якунланган ва компанияга тахминан 32 миллион долларга тушган.
Сотувга бинонинг ҳаддан зиёд катта ўлчамлари халақит бермоқда, уни харид қилишни истаган компаниялардан ҳеч бири улкан «сават»ни тўлдирадиган даражада ходимларга эга эмас. Ундан ташқари, бино шаҳар четида, ноқулай ҳудудда жойлашган.
Келгусида бино қариялар уйи ёки колл-марказга айланиши мумкин. Шунингдек, унинг «тутқич»лари демонтаж қилиниши ва шу тариқа бино саватга ўхшашликдан халос бўлиши мумкин. Ҳозирча эса у штатнинг диққатга сазовор ва сайёҳлар эсдалик учун суратга тушишни ёқтирадиган объектларидан бири бўлиб қолмоқда.