Лас-Вегасда учиш-қўниш йўлагида йўловчи самолёти ёниб кетди, дея хабар бермоқда «Корреспондент.net».
Аланга British Airways компанияси лайнери бортида чиқди. Маълумотларга кўра, икки киши жабрланган.
Самолётда жами 159 йўловчи ва 13 нафар экипаж аъзоси бўлган, улар шошилинч равишда эвакуация қилинган.
Boeing 777 Лондонга учиб кетиши керак бўлган. Дастлабки маълумотларга кўра, ёнғинга двигателлардан бирининг ёниб кетиши сабаб бўлган.