Ispaniyaning “Barselona” futbol klubi La Liganing 33-turida “Valensiya”ga imkoniyatni boy berdi — 1:2. Uchrashuv “Barselona”ning uy arenasi hisoblangan “Kamp Nou”da bo‘lib o‘tdi, deb xabar berdi “Chempionat”.
La Liganing 31-turida “Barselona” Madridning “Real” klubini ham shu stadionda qabul qilib, 1:2 hisobida imkoniyatni boy bergandi. Jamoa o‘z maydonida ketma-ket ikki bellashuvda so‘nggi bor 2003-yilning oktabr oyida mag‘lub bo‘lgan. O‘shanda “Valensiya” (0:1) va “Deportivo” (0:2) klublari “Barselona”ni safarda taslim qilgandi.
Qayd etish kerak, “Barselona” La Liganing ketma-ket to‘rtta o‘yinida zafar qucha olmagach, ta’qibchisi “Atletiko” ochkolar bo‘yicha unga yetib oldi. Endilikda “Real” bilan oradagi farq ham bor yo‘g‘i 1 ochkoni tashkil qilmoqda.
“Valensiya”ga qarshi bellashuvda Lionel Messi karerasidagi 500-golini kiritishga muvaffaq bo‘lgandi. Biroq bu gol jamoaga hech qanday yordam bermadi.
Izoh (0)