Futbol bo‘yicha Ispaniya La Ligasining 33-tur bellashuvlari sensatsion natija bilan yakuniga yetdi. Chempionlik uchun asosiy da’vogar deb qaralgan “Barselona” ketma-ket to‘rtinchi turni ham muvaffaqiyatsiz yakunladi.
Yevropa Chempionlar Ligasining yarim finalidan mosuvo bo‘lgan Kataloniya klubi, La Liganing so‘nggi uch turida zafar qucha olmagandi. Bu safar Luis Enrike jamoasi o‘z maydonida “Valensiya”dan yengildi. Mehmonlarning birinchi bo‘limda kiritgan ikki goliga, Lionel Messi bir marta javob qaytardi.
Bu gol Lionel Messining faoliyatidagi 500-gol edi. Biroq yubiley gol “Barselona” uchun 1 ochko ham taqdim eta olmadi.
33-turdan keyin “Barselona” va “Atletiko” bir hilda — 76 ochkoga ega. “Real” esa 75 ochko bilan 3-pog‘onada bormoqda. Mazkur jamoalardan faqatgina “Barselona” Ispaniya Kubogidagi ishtirokini davom ettirayotgan bo‘lsa, Madrid klublari Yevropa Chempionlar Ligasining yarim finaliga yo‘l olgan.La Ligada 34-tur bellashuvlari 19—21-aprel kunlari bo‘lib o‘tadi. 20-aprel kuni “Barselona” “Deportivo” mehmoni bo‘lsa, “Atletiko”ni Bilbaoda “Atletik”ka qarshi o‘yin kutib turibdi. Shu kuni “Real” o‘z maydonida “Vilyarreal”ni qabul qiladi.Ispaniya La Ligasi 33-tur bellashuvi 17-aprel, yakshanba
Izoh (0)