La Liga, 33-tur. Benzema Messiga yetib olgan o‘yindan keyin “Real” 2-o‘ringa ko‘tarildi

Futbol bo‘yicha Ispaniya La Ligasining 33-turida ikkita bellashuv yakunlandi.

Chempionlik uchun kurash olib borayotgan Madridning “Real” klubi so‘nggi pog‘onada borayotgan “Xetafe” maydonidan 3 ochko bilan qaytdi. Mehmonlarning 5 ta goliga mezbonlar bir marta javob qaytardi.

Mazkur bellashuvdan keyin Krishtianu Ronaldu La Liganing joriy mavsumidagi gollari sonini 31 taga yetkazib oldi. Uning eng yaqin ta’qibchisi Luis Suares hisobida 26 ta gol bor. Karim Benzema esa “Xetafe” darvozasiga urilgan goldan keyin Lionel Messi bilan tenglashdi — 22 ta gol. Neymarda 21 ta gol mavjud.

Mazkur turda “Levante” ham o‘z hisobiga 3 ochko yozib qo‘ydi. Shu tariqa ligada jon saqlab qolish ilinjida bo‘lgan klublarning har uchalasi: “Sporting”, “Levante” va “Xetafe” 28 tadan ochkoga ega bo‘lib oldi. Bitta o‘rin oldindagi “Granada” hisobida 30 ochko bor.

16-aprel holatiga ko‘ra “Real” 75 ochko bilan 2-o‘rinni egallab turibdi. “Atletiko” hamda “Barselona” klublari o‘z uchrashuvlarini 17-aprel sanasida o‘tkazadi.

Ispaniya La Ligasi 33-tur bellashuvlari 15-aprel, juma

“Levante” — “Espanyol” 2:1 (1:1)

16-aprel, shanba

“Xetafe” — “Real Madrid” 1:5 (0:2)

“Las-Palmas” — “Sporting”“Eybar” — “Real Sosyedad”“Selta” — “Betis”

17-aprel, yakshanba“Malaga” — “Atletik”“Sevilya” — “Deportivo”“Atletiko” — “Granada”“Rayo Valyekano” — “Vilyarreal”“Barselona” — “Valensiya”