Futbol bo‘yicha O‘zbekiston milliy terma jamoasi iyun oyida Tailandda bo‘lib o‘tadigan Qirol kubogida ishtirok etmaydi. Bu haqda O‘zbekiston futbol federatsiyasidagi manba “Daryo”ga ma’lum qildi.
JCh—2018 saralashining hal qiluvchi bosqichiga yo‘llanma olgan O‘zbekiston milliy terma jamoasi Qirol kubogida ishtirok etishi haqida Tailand nashrlari mamlakat futbol assotsiatsiyasi prezidenti Samyot Pumpunmuangga asoslanib ma’lum qilgan, biroq O‘FF milliy termaning bu musobaqadagi ishtirokini rasman tasdiqlamagan edi.
Bangkokdagi turnirda Xorvatiya B, Trinidad va Tobago, Kosta-Rika, Gaiti, O‘zbekiston terma jamoalarining ishtiroki kutilayotgan edi. Norasmiy ma’lumotga ko‘ra, O‘zbekistondan tashqari, Xorvatiya B ham musobaqaga bormaydi.
BAA hamda Iordaniya terma jamoalari Qirol kubogida ishtirok etishga rozilik bergan. Musobaqa 3—5-iyun kunlari o‘tkazilishi rejalashtirilgan.
Izoh (0)