Zinedin Zidan: “Real” ajoyib o‘yin o‘tkazdi, Ronaldu esa muhim o‘yinchi bo‘ldi

Madridning “Real” klubi bosh murabbiyi Zinedin Zidan “Volfsburg”ga qarshi (3:0) Yevropa Chempionlar Ligasi 1/4 final javob o‘yinidan so‘ng erishilgan g‘alaba borasida o‘z fikrlari bilan o‘rtoqlashdi, deb xabar beradi “Chempionat”.

“Futbolda doim o‘zingni qurbon qilishing kerak va bunday paytlarda g‘alaba qozongan ma’qul. Hozir futbolchilar amalga oshirgan ishdan xursand bo‘lish vaqti keldi. Dastlabki o‘yindagi mag‘lubiyatdan so‘ng oson bo‘lmadi, ammo biz g‘alaba qozona oldik. Men hamma o‘yinchilarim, hatto maydonga tushmaganlari bilan ham faxrlanaman”, – dedi fransiyalik mutaxassis.

“O‘zgarishlarni kech amalga oshirishimning sababi, bunday o‘yinlarda o‘yinchi almashtirish qiyin. Benzema charchab qolgani uchun himoyaga yordam berish maqsadida Xeseni maydonga tushirdim. Keyin esa Modrich o‘rniga Varan tushdi. U Kasemiroga markazni mustahkam ushlash uchun yordam berdi.

Ronaldu – o‘zgacha futbolchi. ‘Real’ ajoyib o‘yin o‘tkazdi, u esa muhim o‘yinchi bo‘ldi. Krishtianu jamoaga kerak bo‘lgan vaqtda uchta gol kiritdi”, – deb fikriga yakun yasadi Zidan.