Rossiya Obamaning shaxsiy iltimosiga ko‘ra Suriyada AQSh fuqarosini ozod qilishga yordam berdi

AQSh prezidenti Barak Obama Rossiya prezidenti Vladimir Putindan Suriya hududida bo‘lishi mumkin bo‘lgan amerikalik fuqarolarni qidirishda yordamlashishni shaxsan iltimos qilgan. Bu haqda Rossiya TIV rasmiy vakili Mariya Zaxarovaning ma’lumotiga tayanib, “RBK” xabar beradi.

“Biroz vaqt avval AQSh prezidenti Barak Obama Suriya hududida bo‘lishi mumkin bo‘lgan amerikalik fuqarolarni qidirishda ko‘maklashishni so‘rab, Rossiya prezidenti Vladimir Putinga shaxsan murojaat qildi. Amalga oshirilgan ishlar natijasida ulardan biri Kevin Dous ekanligi aniqlandi. U ushbu mamlakatga noqonuniy kirish va boshqa huquqbuzarliklar uchun hibsga olingan. Bizning murojaatimizga javoban Suriya hukumati shafqat qilish va ijtimoiy qarashlar tufayli amerikalikni ozod qilishning imkoni bor deb topdi”, — deb hikoya qiladi Zaxarova.

The Washington Post ma’lumotlariga ko‘ra, Dous 2012-yilda hibsga olingandi. Vashington ayni vaqtda 2012-yilda Suriyada bedarak yo‘qolgan yana bir AQSh fuqarosini izlamoqda.