Kecha, 6-aprel kuni Rossiyaning Lipetsk shahridagi fuqarolik holati dalolatnomalarini yozish (FHDYo) xodimlari tomonidan Lionel Messi nomiga tug‘ilganlik haqida guvohnoma berildi. Bunday noan’anaviy ismni o‘z o‘g‘liga Ispaniyaning “Barselona” futbol klubi muxlisi Nikolay Volkov qo‘ydi, deb xabar beradi “Gorod48.ru”.
“Farzandimizga bunday ism qo‘yish uchun avval turmush o‘rtog‘imni ko‘ndirish mushkul bo‘ldi. Keyin esa FHDYo xodimlariga bunday ismga tug‘ilganlik haqida guvohnomani yozdirish yanada qiyin kechdi”, – deydi baxtiyor ota.
Lipetsklik Lionel Messi argentinalik mashhur adashi singari oyning 24-kunida dunyoga keldi. Biroq 5 karra “Oltin to‘p” sohibi iyun, lipetsklik Messi esa mart oyida tug‘ilgan.
Qayd etish kerakki, tug‘uruqxonada go‘dak onasining familiyasiga yozdirib qo‘yilgan edi. Go‘dakning onasi Polina yana bir mashhur, ammo faoliyatini yakunlagan futbolchi, Ruminiyaning XX asrdagi eng yaxshi futbolchisi va “Barselona” jamoasi sobiq hujumchisi Georgi Xajining familiyadoshidir.
Volkov–Xajilar oilasida Messi ikkinchi farzand. Ularning birinchi farzandining ismi Gruziya malikasi Tamara sharafiga qo‘yilgan.
“O‘g‘lim ulg‘ayganida uni ‘Metallurg’ futbol klubiga olib boraman. U kelajakda futbolchi bo‘lsin!”, – deydi Messining otasi Nikolay Volkov.
Izoh (0)