Futbol bo‘yicha Osiyo Chempionlar Ligasining “A” guruhida ishtirok etayotgan Toshkentning “Lokomotiv” klubi 4-turda ham 3 ochkoni qo‘lga kiritdi. Eronning “Fulad Sepahon” klubini qabul qilgan “Lokomotiv” Temurxo‘ja Abduxoliqov tomonidan kiritilgan yagona gol evaziga zafar quchdi.
Tomonlarning Eronda bo‘lib o‘tgan o‘yinida ham Toshkent klubi 2:0 hisobida ustun kelgandi. Shu tariqa mag‘lubiyatsiz yurishini davom ettirayotgan O‘zbekistonning yagona vakili “A” guruhida 1-o‘ringa ko‘tarilib oldi.
Guruhdagi 4-turning ikkinchi o‘yini “An-Nasr” — “Al-Ittixod” o‘rtasida 6-aprel kuni Toshkent vaqti bilan 21:45 da boshlanadi.
“Lokomotiv” guruh bosqichidagi keyingi ikki uchrashuvni BAAning “An-Nasr” klubiga qarshi o‘tkazadi.
“Lokomotiv” (O‘zbekiston) — “Fulad Sepahon” (Eron) 1:0
Gol: Temurxo‘ja Abduxoliqov, 54 (1:0).Ogohlantirishlar: Kahi Maxaradze, 16 (L). Said Hayedifar, 24 (S). Abdulloh Karamiy, 45 (S). Ignatiy Nesterov, 75 (L). Said Hayedifar, 90+1 (S).Chetlatish: Said Hayedifar, 90+1 (S).“Lokomotiv”: Ignatiy Nesterov, Kahi Maxaradze, Server Jeparov, Marat Bikmayev (Jasur Hasanov, 66), Temurxo‘ja Abduxoliqov, Salim Mustafoyev, Timur Kapadze, Islom To‘xtaxo‘jayev, Sanjar Shoahmedov (Quvondiq Ro‘ziyev, 85), Oleg Zoteyev (Ikrom Aliboyev, 75), Sherzod Fayziyev.“Fulad Sepahon”: Rahmon Ahmadiy, Ali Karimiy, Rasul Navidkia (Amin Manuchehriy, 71), Abdulloh Karamiy, Senijad Ibrichich (Muhammad Rizo Xalatbori, 60), Fozil Musayev (Milad Sarlak, 65), Leandro Padovaniy, Vuriya G‘ofuriy, Lusiano Pereyra Chimba, Said Hayedifar, Husayn Foziliy.| O‘ | Jamoa | O‘ | G‘ | D | M | T/N | O |
| 1 | “Lokomotiv” | 4 | 2 | 2 | 0 | 5:2 | 8 |
| 2 | “An-Nasr” | 3 | 2 | 0 | 1 | 4:3 | 6 |
| 3 | “Fulad Sep” | 4 | 1 | 0 | 3 | 2:5 | 3 |
| 4 | “Al-Ittihod” | 3 | 0 | 2 | 1 | 3:4 | 2 |
Izoh (0)