Xitoyning Sian An shahrida boks bo‘yicha Rio–2016 Olimpiada o‘yinlari yo‘llanmalari uchun Osiyo va Okeaniya mintaqalarining qo‘shma litsenzion turnirida o‘zbekistonlik Yodgoroy Mirzayeva finalga chiqqani va shu orqali u O‘zbekiston xotin-qizlari orasida boks bo‘yicha Olimpiada o‘yinlarining yo‘llanmasini qo‘lga kiritgan birinchi sportchi sifatida qayd etilgani haqida xabar berilgan edi.
O‘zbekiston Milliy olimpiya qo‘mitasi matbuot xizmati o‘zbekistonlik bokschi haqida qisqacha ma’lumot berdi. Yodgoroy Mirzayeva 1996-yilning 22-aprel kuni, Samarqand viloyatining Kattaqo‘rg‘on tumanida tavallud topgan.
Ayni paytda Yodgoroy Mirzayeva Rahmatjon Ro‘zioxunov qo‘li ostida boks sirlarini o‘zlashtirib kelmoqda. U 2015-yili Xitoyning Ulanchab shahrida o‘tkazilgan Osiyo chempionatida bronza medaliga sazovor bo‘lgan.
Izoh (0)