Belgiya OAVlari 22-mart kuni aeroport va metroda sodir bo‘lgan teraktlar qurbonlari haqidagi so‘nggi ma’lumotlarni oshkor etdi, deb yozadi “Interfaks”. Xabarlarga ko‘ra, 28 kishi halok bo‘lgan, 340 ga yaqin kishi yaralangan, ularning barchasi 20 ta millatga tegishli bo‘lgan.
Avvalroq 31 kishi qurbon bo‘lgani va 40 xil millatdagi kishilar jarohatlangani xabar berilgan edi. Hukumat aniqlik kiritishicha, 31 raqami uch nafar xudkush terrorchini hisobga olgan holda aytilgan, ularning jasadlari shaxsi o‘sha vaqtda aniqlanmagan edi.
28 qurbondan hozircha 24 nafarining shaxsi aniqlangan, ularning 14 nafari “Zaventem” aeroportida va o‘n nafari “Malbek” metro bekatida halok bo‘lgan. 24 kishining 13 nafari belgiyalik, 11 nafari sakkiz millatga tegishli xorijlikdir.
26-mart, shanba holatiga ko‘ra, yaralanganlarning 101 nafari kasalxonada yotibdi.
Hukumat vakillari aytishicha, Bryussel teraktlari qurbonlari soni yakunda 35—40 kishigacha ko‘payishi mumkin.
Izoh (0)