Rossiya qurolli kuchlarining Suriyadagi maxsus operatsiyasida ishtirok etayotgan zobit Palmira shahri xarobalari yaqinida aviazarbalar uchun nishon olish chog‘ida halok bo‘ldi. Bu haqda “RIA Novosti” agentligiga asoslanib, “Gazeta.ru” xabar bermoqda.
Rossiyaning Xmeymim bazasi vakilining so‘zlariga qaraganda, zobit Xoms viloyatidagi Tadmor aholi yashash punkti yaqinida IShID pozitsiyalariga samolyotlardan zarba berish uchun mo‘ljal olish bo‘yicha topshiriqni bajarayotgan edi. U bir hafta mobaynida Palmira atrofida turib, jangarilarning obyektlarini topish hamda ularning koordinatalarini aniqlash bilan shug‘ullangan.
Nomi keltirilmagan harbiy xizmatchi terrorchilar tomonidan qurshovga olingan va otishmada halok bo‘lgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)