O‘zbekiston — Bahrayn uchrashuvini BAAdan tashrif buyurgan hakam Muhammad Abdulloh Hasan boshqaradi

29-mart, seshanba kuni O‘zbekiston milliy terma jamoasi 2018-yil Rossiyada bo‘lib o‘tadigan jahon chempionatining 2-saralash bosqichi so‘nggi turi doirasida Bahraynni qabul qiladi. O‘FF matbuot xizmati bellashuv hakamlari nomini e’lon qildi.

Uchrashuv 18:00 da Amirliklardan bo‘lgan Muhammad Abdulloh Hasanning hushtagi bilan boshlanadi. Unga qanotlarda hamyurtlari Yusuf Abdulla Al-Hammad va Hasan Abdulla Al-Hamri yordam beradi.

“Worldreferee.com” statistikasiga ko‘ra, Muhammad Abdulloh Hasan O‘zbekiston terma jamoalari ishtirokidagi 3 ta o‘yinda ishlagan. 2011-yil O‘zbekiston yoshlar terma jamoasi Pokiston ustidan 3:0 hisobida g‘alaba qozongan bo‘lsa, oradan 3 yil o‘tib Osiyo chempionatida KXDRdan 0:5 hisobida yengilgan.

O‘zbekiston milliy terma jamoasi 2015-yilgi Osiyo kubogining guruh bosqichida Xitoydan 1:2 hisobida mag‘lub bo‘lganida ham Muhammad Abdulloh Hasan hakamlik qilgan.

JCh—2018. 2-saralash bosqichi 29-mart, seshanba

O‘zbekiston — Bahrayn

• O‘zbekiston terma jamoasi Filippin bilan o‘yinda muhim uch ochkoni qo‘lga kiritdi

• JCh—2018 saralashidagi O‘zbekistonning guruhdagi raqiblari bahsida Bahrayn Yamanni mag‘lubiyatga uchratdi

• O‘zbekiston JCh—2018 yo‘llanmasi kurashidan chiqib ketishi uchun 29-martda nima bo‘lishi kerak?