Suriya qurolli kuchlari jangchilari va ularning ittifoqdoshlari qadimiy Palmira xarobalariga bir kilometrdan kamroq masofada yaqinlashdi, deb yozadi “Vedomosti”. Qurolli kuchlar vakili so‘zlariga ko‘ra, hukumat kuchlari Palmiraning tarixiy qismini “bir necha soatdan so‘ng” qo‘lga olishni rejalashtirmoqda.
“Biz Palmiradan 850 km uzoqlikdamiz. Bir necha soatdan so‘ng hukumat kuchlari Palmira to‘liq ozod etilganini e’lon qiladi”, — dedi u. Yana bir askar Palmiraga g‘arbdan yaqinlashib, chorrahaga 120 ta portlovchi qurilma joylashganini ma’lum qildi.
Eslatib o‘tamiz, avvalroq Suriya armiyasi bo‘linmalari o‘z-o‘zini mudofaa qilish xalq otryadlari ko‘magida Palmira me’moriy-tarixiy majmuasi joylashgan Tadmor shahri yaqinidagi barcha strategik balandliklarni egallab olgani xabar berilgan edi.
Izoh (0)