Turkiyaning “Lira” yuk kemasi Rossiya tomonidan Kerch bo‘g‘ozida qurilayotgan ko‘prikni shikastladi. Hodisa 19-mart, shanba kuni ro‘y bergan, biroq bu haqda endi oshkor qilinmoqda, deya xabar beradi “Gazeta.ru”.
“Taman” federal avtomobil yo‘llari boshqarmasidagi manbaning bildirishicha, kema Tuzla oroli va kemalar yo‘li o‘rtasidagi 2-ishchi ko‘prik ustuniga urilgan. Buning oqibatida 80-ustun yaroqsiz holga kelgan, 79-ustunda shikastlanishlar bo‘lishi mumkin. Shuningdek, ikkita mayoq qoziqoyog‘i ishdan chiqqan, 79 va 81-ustunlar esa qiyshaygan. Kema shikastlagan ko‘prik asosiy inshoot — Kerch bo‘g‘ozini kesib o‘tadigan ko‘prik qurilishiga yuklarni yetkazish uchun yordamchi inshoot sanaladi.
“Lira” Turkuaz Shihhing Corp kompaniyasiga tegishli bo‘lib, kemani Turkiya fuqarosi boshqargan. To‘qnashuv oqibatida ekipajning to‘qqiz nafar a’zosi orasida jabrlanganlar bo‘lmagani bildirilmoqda.
Izoh (0)