O‘zbekiston milliy terma jamoasi bosh murabbiyi Samvel Babayan Jahon chempionati–2018 ikkinchi saralash bosqichi doirasidagi so‘nggi ikki uchrashuv uchun jamoaning 23 futbolchidan iborat tarkibini ma’lum qildi. Bu haqda O‘zbekiston futbol federatsiyasi matbuot xizmati xabar bermoqda.
O‘zbekiston milliy terma jamoasi 24-mart kuni Filippinga hamda 29-mart kuni Bahraynga qarshi saralashning ushbu bosqichidagi so‘nggi ikki o‘yinini o‘tkazadi.
Bu o‘yinlar uchun terma jamoa bosh murabbiyi kengaytirilgan tarkibdan quyidagi 23 futbolchini tanlab oldi.
Darvozabonlar: Aleksandr Lobanov (“Persepolis”, Eron), Ignatiy Nesterov (“Lokomotiv”), Eldor Suyunov (“Nasaf”).
Himoyachilar: Davron Hoshimov (“Paxtakor”), Anzur Ismoilov (“Chanchun Yatay”, Xitoy), Yegor Krimets (“Pekin Guoan”, Xitoy), Islom To‘xtaxo‘jayev (“Lokomotiv”), Kamoliddin Tojiyev (“Paxtakor”), Vitaliy Denisov (“Lokomotiv”, Rossiya).
Yarim himoyachilar: Javohir Sohibov (“Paxtakor”), Odil Ahmedov (“Krasnodar”, Rossiya), Fozil Musayev (“Sepahon”, Eron), Sardor Rashidov (“Al-Jaish”, Qatar), Sanjar Tursunov (“Umm Salal”, Qatar), Stanislav Andreyev (“Paxtakor”), Otabek Shukurov (“Bunyodkor”), Server Jeparov (“Lokomotiv”), Jasur Hasanov (“Lokomotiv”), Sanjar Shoahmedov (“Lokomotiv”), Eldor Shomurodov (“Bunyodkor”).
Hujumchilar: Aleksandr Geynrix (“Ordabasi”, Qozog‘iston), Igor Sergeyev (“Paxtakor”), Marat Bikmayev (“Lokomotiv”)
Eslatib o‘tamiz, har ikki o‘yin ham “Bunyodkor” stadionida bo‘lib o‘tadi. O‘yinlar Toshkent vaqti bilan 18:00 da boshlanadi.
Mavzuga oid:
- O‘zbekiston — Filippin: Sato Ryuji hakamlik qilgan o‘yinlarda O‘zbekiston jamoalari ko‘proq durang o‘ynagan
- Dostonbek Hamdamov va Jaloliddin Masharipov sog‘lig‘idagi muammolar tufayli terma jamoa lagerini tark etdi
- Osiyo Chempionlar Ligasi—2016 da eng ko‘p gol urgan o‘zbekistonlik ikki futbolchi milliy terma lagerini tark etdi
Izoh (0)