Ispaniyada avtobus ishtirokida yuz bergan YTH oqibatida 13 kishi qurbon bo‘ldi. Shulardan yetti nafari italiyalik talaba bo‘lib, yana uch nafar qiz turli darajadagi shikastlanishlar bilan shifoxonaga yotqizilgan. Bu haqda “TASS” xabar beradi.
Avariya Tarragona (Kataloniya avtonom viloyati) provinsiyasida 20-mart, yakshanba kuni tongda yuz bergan. Amposta shahri yaqinida 60 kishini olib ketayotgan avtobus mashina bilan to‘qnashib ketgan. Barselonaga qarab yo‘l olgan avtobus yo‘lning qarama-qarshi yo‘nalishiga chiqib ketgan va avtomobilga urilgan.
Kataloniya hukumati vakili fojia haydovchining xatosi tufayli sodir bo‘lganligini ma’lum qilgan.
Transport vositasida Ispaniya, Peru, Bolgariya, Polsha, Ukraina, Irlandiya, Falastin, Yaponiya, Chexiya, Yangi Zelandiya, Buyuk Britaniya, Italiya, Vengriya, Germaniya, Norvegiya, Shvetsiya va shveysariyalik talabalar bo‘lgan. Ular Ispaniyaga “Erasmus” talabalarni almashish dasturi bo‘yicha borgan.
Izoh (0)