FlyDubai aviakompaniyasining Boeing samolyoti qulagan joyda laynerning ikkala “qora qutisi” topildi. Yaqin orada ular ekspertlarga beriladi. Bu haqda Rossiya Federatsiyasi Tergov qo‘mitasi rasmiy vakili Vladimir Markin ma’lum qildi, deya xabar beradi “TASS”.
“Halokat joyidan Boeing samolyotiga tegishli ‘qora quti’lar topildi. Ular yaqin orada ma’lumotlarini o‘rganish uchun tegishli mutaxassislarga beriladi”, — deya ta’kidlagan Markin.
Qurilmalar qanday holatda ekanligiga aniqlik kiritilmagan.
Eslatib o‘tamiz, 19-mart, shanba kuni FlyDubai aviakompaniyasiga tegishli Boeing 737-800 layneri Rossiyaning Rostov-Don shahri aeroportiga qo‘nish vaqtida halokatga uchradi. Hodisa oqibatida samolyot bortida bo‘lgan barcha yo‘lovchilar va ekipaj a’zolari halok bo‘lgan.
Izoh (0)