Toshkent shahrining Shota Rustaveli ko‘chasida, Janubiy vokzal yaqinida, Vega supermarketi qarshisidan o‘tgan yo‘lda kuchli yog‘ingarchilik oqibatida cho‘kma hosil bo‘ldi. Bu haqda Facebook’dagi “Voditeli Tashkenta” guruhi foydalanuvchilaridan biri ma’lumot berdi.
“Janubiy vokzalda 3D foto chiza boshladilar. Toshkentda birinchi marta!”, — deb yozadi foydalanuvchi kinoya bilan. Xabarga voqea joyidan olingan fotosurat ilova qilindi.
Asfalt cho‘kishi ijtimoy tarmoqda keng muhokamaga sabab bo‘ldi. Muhokama ishtirokchilari vaziyatning kelib chiqishiga sababchi bo‘lgan mutasaddilarni tanqid ostiga oldi.
Izoh (0)