AQShning Gallup ijtimoiy fikr instituti tomonidan dunyo mamlakatlari aholisining his-tuyg‘ulari indeksi — Gallup 2016 Emotions Report tayyorlandi. Unda O‘zbekiston to‘rtinchi o‘ringa munosib ko‘rildi.
Tadqiqotda jahonning 140 mamlakatidan 147 ming respondent ishtirok etdi. Ularga his-tuyg‘ulari va fikrlashi bilan bog‘liq beshta savol berildi: “Kecha siz o‘zingizni yaxshi dam olgandek his qildingizmi?”, “Kecha sizga kuni bo‘yi hurmat bilan munosabatda bo‘lindimi?”, “Kecha siz ko‘p jilmaydingizmi, kuldingizmi?”, “Kecha siz biror qiziqarli narsa o‘rgandingizmi yoki qiziqarli ish qildingizmi?”, “Kecha quyidagi tuyg‘ularni his qildingizmi? Ko‘ngil yoza oldingizmi?”.
Mualliflarning fikricha, ijobiy his-tuyg‘ular yetishmovchiligi mamlakatlardagi uzoq muddatli ichki yoki tashqi ixtiloflar hamda keng miqyosli fojia va ofatlar bilan bog‘liqdir.
Reytingda birinchi o‘rinni 84 ball bilan Paragvay egalladi; kuchli uchlikka Gvatemala va Gonduras (83 ball) kirdi.
O‘ntalikka, shuningdek, O‘zbekiston (83), Ekvador (83), Salvador (82), Indoneziya (82), Kosta-Rika (81), Urugvay (81), Kolumbiya (81) va Shveysariya (81) kirdi.
Indeks oxirida Ukraina, Belarus, Litva, Bosniya va Gersegovina, Yaman, Iroq, Serbiya, Gruziya, Nepal, Turkiya va Suriya joylashdi.
Izoh (0)