“Barselona” va “Arsenal” futbol klublarining Yevropa Chempionlar Ligasi nimchorak final bosqichi doirasida Londonda bo‘lib o‘tgan dastlabki uchrashuvida Kataloniya klubi 2:0 hisobida muvaffaqiyat qozongandi. “Kamp Nou”dagi bellashuvda ham Luis Enrike shogirdlari ikki to‘p farqi bilan g‘alaba qozondi.
16-mart, chorshanba kuni bo‘lib o‘tgan javob uchrashuvda hisob 18-daqiqada Neymar tomonidan ochilgan bo‘lsa, 52-daqiqada Muhammad al-Nennining sa’y-harakatlari evaziga London klubi muvozanatni tikladi.
“Arsenal” yo‘llanma uchun yana ikkita gol urishi kerak edi, biroq yakunda o‘zi ikkita gol o‘tkazib yubordi. “Barselona”ning hujum chizig‘idagi triosidan Suares va Messi ham o‘z nomiga bittadan gol yozib qo‘ydi.
Bunga qadar “Volfsburg” (Germaniya), “PSJ” (Fransiya), “Benfika” (Portugaliya), “Real” (Ispaniya) kabi jamoalar ham nimchorak finalning har ikki bellashuvida g‘alaba qozonib, chorak final yo‘llanmasini qo‘lga kiritgan edi.
Yevropa Chempionlar Ligasi Nimchorak final, javob uchrashuvi 16-mart, chorshanba“Barselona” (Ispaniya) — “Arsenal” (Angliya) 3:1 (1:0)
Gollar: Neymar, 18 (1:0). Muhammad El-Nenni, 51 (1:1). Luis Suares, 65 (2:1). Lionel Messi, 88 (3:1).Ogohlantirishlar: Matyo Flamini, 32 (A). Gabriel Paulista, 35 (A). Aleksis Sanches, 50 (A). Arda Turan, 79 (B). Olivye Jiru, 85 (A).“Barselona”: 1. Mark-Andre ter Shtegen, 4. Ivan Rakitich (7. Arda Turan, 77), 5. Serhio Buskets, 6. Dani Alvesh, 8. Andres Inyesta (20. Serxi Roberto, 72), 9. Luis Suares, 10. Lionel Messi, 11. Neymar, 14. Xavyer Maskerano, 18. Hordi Alba, 24. Jeremi Matyo.
“Arsenal”: 13. David Ospina, 5. Gabriel Paulista, 6. Loran Koselni, 11. Mesut Ozil, 17. Aleksis Sanches, 18. Nacho Monreal, 20. Matyo Flamini (34. Fransis Koklen, 45), 23. Denni Uelbek (14. Teo Uolkott, 73), 24. Ektor Belerin, 35. Muhammad El-Nenni, 45. Aleks Ayuobi (12. Olivye Jiru, 72).
Izoh (0)