Parijda 2015-yil 13-noyabrda sodir etilgan teraktlarni tekshirayotgan Belgiya politsiyasi 15-mart, seshanba kuni olib borgan navbatdagi tintuvlaridan so‘ng Bryusselning Fore kommunasida otishma yuzaga keldi, deb yozadi “Vedomosti”.
Ba’zi ma’lumotlarga ko‘ra, noma’lum shaxs politsiyachilarga Kalashnikov avtomatidan o‘q uzgan. Ikki politsiyachi yengil jarohat olgan. Bryusselning otishma sodir bo‘lgan qismi to‘liq yopilgan.
O‘q uzgan shaxs (boshqa manbalarga ko‘ra, ular ikki kishi bo‘lgan) politsiyadan tomlar ustida yugurib qochishga muvaffaq bo‘lgan. Belgiya prokuraturasi vakili operatsiya Parij teraktlari bilan bog‘liqligini tasdiqladi.
Bugungi kunda Belgiyada 11 nafar gumonlanuvchiga nisbatan Parijda sodir etilib, 130 kishining hayotiga zomin bo‘lgan terrorchilik hujumlari bilan bog‘liq ayblovlar e’lon qilingan.
Tekshiruv ushbu hujumlar Bryusselda tayyorlangani va u yerda turib koordinatsiya qilinganini ko‘rsatdi.
Izoh (0)