Toshkentda Huawei Nexus 6P smartfoni sotila boshladi, deya xabar bermoqda “Mobinfo.uz”. Qurilma o‘ta ingichka ixcham kulrang korpusga ega, u qora elementlar bilan bezatilgan.
Smartfon 5,7 dyuymli 2569×1440 pikselli AMOLED-displey, sakkiz yadroli Snapdragon 810 MSM8994 protsessori, 3 Gb tezkor va 32 Gb ichki xotira, 12,3 megapikselli asosiy va 8 megapikselli old kameraga ega.
Akkumulyator sig‘imi 3450 mA/soat bo‘lib, u 440 soat davomida kutish rejimida, 23 soat suhbat rejimida ishlash imkonini beradi.
Qurilma ekrani Corning Gorilla Glass 4 innovatsion qoplamasi orqali tirnalishlardan himoyalangan. Uskuna konstruksiyasi barmoq izi skaneri, kompas; yoritish, yaqinlashish, barometr, shuningdek, akselerometr datchiklarini o‘z ichiga oladi.
Toshkentdagi “Fleshka” savdo majmuasida Huawei Nexus 6P (32 Gb versiyasi) 3,6 million so‘mga taklif qilinmoqda.
Ushbu qurilmani ko‘rsatilgan narxda sotib olishga “Daryo” nashri kafolat bermaydi. Qurilma va uning narxi haqidagi axborot faqat tanishish uchun taqdim etilgan.
Izoh (0)