Futbol bo‘yicha Osiyo Chempionlar Ligasi guruh bosqichi 3-turiga kelib “Paxtakor” 2016-mavsumdagi birinchi xalqaro g‘alabasini qo‘lga kiritdi. Eronning “Traktorsozi” klubini qabul qilgan No‘mon Hasanov murabbiyligidagi jamoa Igor Sergeyevning 41-daqiqada kiritgan goli evaziga 3 ochkoni qo‘lga kiritdi.
Bunga qadar o‘tkazilgan ikki o‘yinda “Paxtakor” bir marta durang o‘ynab, bir marta mag‘lub bo‘lgandi. 3-turdan keyin Toshkent klubi ochkolari sonini 4 taga yetkazib, “Al-Hilol” klubi bilan tenglashib oldi. Eron klubi esa dastlabki ikki turni o‘z foydasiga hal qilib, yuz foizlik natija qayd etgandi.
Guruhdagi ikkinchi uchrashuv BAAning “Al-Jazira” va Saudiya Arabistonining “Al-Hilol” jamoalari o‘rtasida bo‘lib o‘tadi. O‘yin 15-mart, seshanba kuni Toshkent vaqti bilan 21:30 da boshlanadi. 2-turdan keyin “Al-Hilol” hisobida 4 ochko bo‘lsa, BAA klubi birorta ham ochko jamg‘ara olmagan. Mazkur o‘yin natijasidan qat’iy nazar “Paxtakor” 3-turdan keyin “C” guruhining 3-pog‘onasida qoladi.
“Paxtakor” Chempionlar Ligasidagi navbatdagi o‘yinni 6-aprel kuni o‘tkazadi. U Eronda “Traktorsozi”ga qarshi bo‘lib o‘tadi.
Osiyo Chempionlar Ligasi “C” guruhi, 3-tur uchrashuvi 15-mart, seshanba
“Paxtakor” (O‘zbekiston) — “Traktorsozi” (Eron) 1:0 (1:0)
Gol: Igor Sergeyev, 41 (1:0).Ogohlantirishlar: Vladimir Kozak, 49 (P), Oybek Qilichev, 59 (P).“Paxtakor”: 1. Nikita Ribkin, 4. Adnan Oraxovats, 5. Akbar Ismatullayev, 7. Azim Ahmedov, 8. Sherzod Karimov (28. Stanislav Andreyev, 82), 9. Jaloliddin Masharipov (35. Oybek Qilichev, 56), 10. Jamshid Iskanderov, 11. Igor Sergeyev, 15. Javohir Sohibov, 21. Kamoliddin Tojiyev, 29. Vladimir Kozak (14. Jamshid Boltaboyev, 67).
“Traktorsozi”: 1. Muhammadrizo Akbariy, 2. Muhammad Iranpurian, 3. Shojaiy Halilzoda, 4. Xolid Shofeiy, 5. Karlos Kardoso, 6. Sino Ashuriy, 10. Surush Rofeiy, 11. Baxtiyor Rahmoniy, 24. Farzad Hotamiy, 66. Mehdi Kiyoniy, 77. Said Og‘aiy (90. Mehdi Sharifiy, 54).
Izoh (0)