Yevropa Ittifoqining Yevropa davlatlari banklariga Rossiya yevrobondlarini joylashtirishdan tiyilishni tavsiya qilishi mantiqdan yiroq tashabbusdir, deb ta’kidladi Kremlning rasmiy vakili Dmitriy Peskov. Bu haqda “RBK” xabar bermoqda.
“Iqtisodiy hamkorlik makonining siyosiy bosim hisobiga toraytirilishini aql va mantiq nuqtai nazaridan tushunish va o‘zini oqlaydigan qaror deb hisoblash mahol”, — dedi Peskov.
“Faqat afsusdaligimizni aytish mumkin”, — deb qo‘shimcha qildi u.
Kecha, 14-mart kuni Bryussel Yevropa banklariga murojaat qilib, Rossiya yevrobondlarini joylashda ishtirok etishdan chetda turishni tavsiya qildi. YeI rasmiylarining fikricha, qog‘ozlarni joylashtirish hisobidan to‘plangan mablag‘ “nojoiz” maqsadlarda qo‘llanilishi mumkin. Bank rahbarlari bilan suhbatda YeI vakillari obligatsiyalar sanksiyalarni chetlab o‘tish maqsadida qo‘llanilishi mumkinligini eslatib, ularni ehtiyotkorlikka chorladi.
O‘z navbatida, AQSh davlat departamenti va moliya vazirligi banklarning bondlarni joylashtirishda ishtirok etish borasidagi murojaatlariga javoban maxsus ogohlantirish e’lon qildi. Vashington bunday shartnomalar sanksion siyosatga zid keladi, deb hisoblamoqda.
Izoh (0)